车迷网

标题: 转自HK某论坛上关于HK开小巴的司机既贴,搞笑！ [打印本页]

作者: 粒粒橙 时间: 2006-1-17 18:09
标题: 转自HK某论坛上关于HK开小巴的司机既贴,搞笑！
講開香港公共小巴司機，我覺得真係勁過麥拿倫車隊...............

淨講圈速一定係小巴佬勁，
但講好灣，一定係巴士佬，尤其係渣港島半山，赤柱及海洋公園線果D，
但小巴佬能夠用架小巴做到飄移喎~

據路透社引述，香港小巴佬對秋明 AE86 睇法："86 呀 ? 不外如事!
跑嬴我架 Toyota 小巴先講啦~"

而家有d小巴咪有顯示車速既表係門口隔離，
超速會響個隻，但係次次響到爆都冇人理，
每次一片彎d人就會望住個表，淨係睇住佢響，
好搞笑

大家有冇發現佢地唔止行車快?
上落客都快ga
有時見人夜晚撘Van仔，
司機永無停定比D 客上車，往往要人地自己助跑幾步，
架車開定門駛到埋 o黎果陣就順勢跳上車，
當司機大佬"feel"到你要有其中一隻腳係踏左上車時佢地就即刻踩油去，
而上左車之後亦甚少需要用自己既腳力行去座位，
因為佢一加油時，架車 o既衝力已經將人"fing"到去最近既座位上，
緊緊將個人既背隻黐晌椅背上面~
同樣地落客時，D司機永遠唔使拉開門手制，
佢地既車速加上急停已經可以將車門彈開，
個客就因為急剎既衝力好自然會由車尾被"送"到車門位置，
跟住快手比錢然後跳車，個動作十足十第二次大戰美軍第101空降師，
所以搭得多小巴可以做雷霆傘兵
同埋大家記住，以佢地既"效率"，上車果陣你已經要準備定哎"有落"~

而落斜小巴指定動作就係:
左手推空波，右手扭汰，
真係自己渣都唔敢咁快落斜呀~

仲有而家發覺D小巴成日界 civic，
D小巴佬將架 Toyota Coaster 調較到變左 ----
"Toyota Coaster integra Type R"
civic 咁就收左皮~

但係唔好唔記得：
小巴佬使乜空氣動力學呀?
小巴佬使乜定風翼?
小巴佬使乜大包圍?
小巴佬使乜19吋合金鈴?
小巴佬使乜VTEC?
小巴佬使乜快cam?
小巴佬使乜大尾牙?
小巴佬使乜氣蕉+中至尾喉?
小巴佬使乜防滾架?
小巴佬使乜咬牙避震?

遇著小巴佬Type-R行埋一二角..............
如果我識寫game，我都會寫返隻"crazy van"， which made in Hong Kong

最後，我建議D小巴全部都要加裝跑車坐椅及五點式安全帶，
一黎可以俾番乘客少少安全感，
二黎可以當係香港特色放係旅遊指南推介，刺激旅遊業。
不過就唔可以係未來迪士尼的路線上實施，因為遊客們乘坐過後，
將會令他們對高速麻木，乘坐過山車時將會冇晒feel~

小巴佬，簡直就係香港的冼拿，
真係服到五體投地

作者: 车颠 时间: 2006-1-17 18:25
标题: RE:转自HK某论坛上关于HK开小巴的司机既贴,搞笑！
【(车颠)回复(粒粒橙)的大作】

好贴切 <IMG SRC="/images/face/177.gif">
我从来唔敢座小巴，一来容易晕车，二来唔识叫“XX有落”，因为发觉 “XX”好似江湖暗号，没有在HK混个三五七年，都唔明乜意思，宁愿地铁巴士，走多两步路。

作者: taxi 时间: 2006-1-17 19:59
标题: RE:转自HK某论坛上关于HK开小巴的司机既贴,搞笑！
【(taxi)回复(粒粒橙)的大作】

上星期在观塘日日坐,吾觉得系咁啊。。。。。。。。。

作者: 车颠 时间: 2006-1-17 22:42
标题: RE:转自HK某论坛上关于HK开小巴的司机既贴,搞笑！
【(车颠)回复(taxi)的大作】

自从那个小巴司机因为在街上与人赛车，撞S人后，法律处罚严历了许多，所以有所收敛。

作者: 老总 时间: 2006-1-18 10:56
标题: RE:转自HK某论坛上关于HK开小巴的司机既贴,搞笑！
【(老总)回复(粒粒橙)的大作】
我觉得香港的小巴开得快，系因为他们坚信没车突然变线。而去赤储的大巴转弯这么快,系因为开大巴的司机转弯时坚信没有人会突然间过马路.呵呵.这是我在香港坐车时得出的结论.

作者: 肥佬强 时间: 2006-1-18 11:16
标题: RE:转自HK某论坛上关于HK开小巴的司机既贴,搞笑！
【(肥佬强)回复(老总)的大作】
我觉得香港佬开车就似行路一样，节奏比国内快好多。在路口只要一转灯，所有车都似赛车一样狂飚。但前提是行人和车都很自觉的各行其道。

欢迎光临车迷网 (http://gz-car.cn/)