车车冇怠速的原因？

憨豆

前几日晏昼（下午），急住去南沙，插匙着车，挞着几次都未能着车，后来踩住油门再挞车，车可以发动，但一松开油门踏板就死火。急住走，唔理咁多啦，格硬入档挞火松离合行，因为几个月前（果阵天气冻）试过踩油门热一阵车就得左。但呢次行左好耐都仲系唔得，一路上每每塞车停车就要挞车起步，好唔容易开离市区。一路行一路惗，应该系怠速马达坏了，一阵翻市区就惨了，于是就打电话俾南沙的朋友问问有冇相熟的修理厂，得到回复讲怠速马达冇货，冇计去到目的地再算。好唔容易挨到目的地，打开车头盖，见到节气门的状况（构造），决定自己动手，车上又冇工具，就去附近的五金店买左把钳（节气门果度好窄，落唔到士巴乸）。点知道，用钳点都拧唔开节气门上顶住油门线的螺丝，花左十几蚊买的钳冇用，晒gas，最后捻到一简单可行的办法搞惦左（加左块胶套，见图），后来把胶套拆了，到到依家，车车又正常翻，想问究竟系咩原因导致车车冇怠速？怠速马达应该冇事。

zengzzg

拉线节气门，比较旧咯哦！

小张非车

有可能电脑突然傻左，断电复位试试！

robert_fan

冇怠速原因1.节气门积碳，拆节气门落来用清洗剂洗干净就可以解决；
原因2. 油品不干净。不过睇LZ描述唔系好似呢个原因。

fhcha

试过次一样无怠速，系怠速马达伸缩杆黄油干左导致发卡，修理厂朋友教应急法用罗丝批轻打几下怠速马达一般都会正常。拆出伸缩杆洗净旧黄油再加上新高温黄油ok

憨豆

原帖由 fhcha 于 2014-4-20 14:24 发表
试过次一样无怠速，系怠速马达伸缩杆黄油干左导致发卡，修理厂朋友教应急法用罗丝批轻打几下怠速马达一般都会正常。拆出伸缩杆洗净旧黄油再加上新高温黄油ok

感觉情况应该系咁了，因为两次都系有好几日冇开车的，叫整车师傅搞搞先，多谢同学。

starli

检查怠速马达

大个仔

我试过甘的情况，最后都是换左怠速马达解决问题。

粤A夏利

系咪8A/5A发动机，如果系，清洗怠速阀就可以了

以前我台夏利系台山就是过同你一模一样的情况，当时也是判断怠速马达的问题，开到市区稳间汽修店睇佐下，帮手清洗了怠速阀就OK了。。。

憨豆

原帖由 粤A夏利 于 2014-4-21 17:14 发表
系咪8A/5A发动机，如果系，清洗怠速阀就可以了

以前我台夏利系台山就是过同你一模一样的情况，当时也是判断怠速马达的问题，开到市区稳间汽修店睇佐下，帮手清洗了怠速阀就OK了。。。

对，系5A.

粤A夏利

原帖由 憨豆 于 2014-4-21 17:23 发表

对，系5A.

咁你试下清洗怠速阀先啦，上次我清洗完就OK了，喷佐整整一支化油器清洗剂；洗出离一团团油渣